بریالیتوب ته ښه راغلاست

بریالیتوب  ته ښه راغلاست

بریالیتوب یو نا پیلى  ټولنیز او پوهنیز  چوپړیال بريښنايي کاریال دى،  چې د ښاغلي  ډاکتر خادم ،  قدرمن  انجنیر عبدالکبیر صالح ، آغلې خادم ، قدرمن  شفیع الله محمدي ، آغلې روحیله بسمل ، ډاکتر اعجالحق اعجازي، محترم  فیصل حقانې او  ښاغلي  دانش بسمل د هڅو او زیار په پایله کې ستاسو د غوره او ښه چوپړ لپاره پرانستل شو، تر څو تاسو ته هر راز  د پوهنې ، څېړنو او سپړنو  د اړتیا وړ لیکنې وړاندې کړي.
د بریالیتوب کره  او ريښتونې موخه ستاسو ریښتینی  د ویاړ وړ بریالیتووب دى.

بریالیتوب د هیڅ سیاسې ، نظامې او تجسیسې ډلې ټپلې ننګه او پلوي نکوي يوازينۍ موخه یې د خلکو پوهنیزه کچه لوړول ، په ټولنه کې د ناوړه دودونو ، فکرونو ، رواجونو او باورونو ختمول ،  خلکو ته د هر وړ قانوني کار او کسب  اړینې لارې چارې ښودل ،  د ورځني ژوند د ستونزو د حل لارې ښودل او د خلکو ذهني، عقلي او علمي کچه لوړول دي.
بریالیتوب ستاسو لپاره  له  عزت ،  الفت ، صمیمت ،  شرافت ، سالمیت ، انسانیت او تلپاتې ریښتینو خوښیو څخه ډک  ژوند غواړي.
بریالیتوب ستاسو خپله پاڼه ده ، پخپلو ښو کره علمې لېکنو یې بډایه کړئ، اولس ،  ټولنې او هیواد ته ستر علمي خدمت وکړئ  دا ځکه چې   د ټولو  ستونځو  حل لاره  یواځې او یواځې کره پوهنه او سالم تفکر دى. جنګ ، تعصب ، حسد ،  منفي او شهواني افکار پخپله عامل ، کورنۍ یې او ټولنه د سترو ناورینونو او بد مرغیو په لور بیایې. بریالیتوب ستاسو د خورا ارزښتمن  وخت کره درک لري، چې په همدې سبب ستاسو د کره ، ښه او ګټور اغیزمن چوپړ په موخه یواځې او یواځې ستاسو لپاره کره ، دقیقې ، سالمې  او ریښتنیې  څېړنې او سپړنې وړاندې کوې.
له تاسو څخه په خورا درنښت دا هیله لرو چې د بریالیتوب د لیکنو د لوستې لپاره مو وخت ځانګړی کړئ  تر څو د نړۍ په کچه نه بلکه تر نړۍ لوړ  او ژور علمې تفکر او بې ساری آند ولرئ او د خپل ځان ، کورنۍ ، ټولنې او هیواد لپاره  لوړ او غوره بې سارې خدمات تر سره کړای شئ.
تل بریالي ، ښاد او آباد اوسئ.
ستاسو په چوپړ کې د بریالیتوب د چوپړیالې ټولۍ لخوا.